ኢትዮ ማዳበሪያ

የማዳበሪያ ድልድል (2017/ 2018) በ ሺ ቶን

የዲጅታል ማዳበሪያ አቅርቦት ሥርዓት

በተሻሻለና በተደራጀ አሠራር ምርትና ምርታማነትን እናሳድግ

ይህ የዲጅታል ሥርዓት አገራዊ የማዳበሪያ አቅርቦትን በመሠረታዊነት ለመቀየር በሚደረገው ጉዞ የተደራጀና ወቅታዊ መረጃን የሚያሰባስብ፣ የሚተነትንና በመረጃ ላይ የተመሠረተ ውሳኔን መስጠት በሚያስችል መልኩ ተግባር ላይ እንዲውል ታልሞ የተዘጋጀ የመጀመሪያው የዲጅታል ልማት ምዕራፍ ነው፡፡ በሂደቱም በልማቱ ላይ የተሰማሩ አርሶ አደሮቻችንንና አልሚዎቻችንን ይበልጥ ተጠቃሚ በማድረግ ምርትና ምርታማነት እንዲጨምር ጉልህ አስተዋጽዖ ያደርጋል፡፡

ዲጅታል የማዳበሪያ አቅርቦትን በመተግበር ግብርናን ማዘመን

ይህ የግብርና ግብዓቶችን በተለይም የማዳበሪያ አቅርቦትን በዘመናዊ መንገድ ለመምራት፣ ለመከታተልና ወቅታዊ ውሳኔዎችን ለመስጠት እንዲያስችል ታልሞ የተነደፈ አዲስ የዲጅታል ሥርዓት ነው፡፡ በማዳበሪያ አቅርቦቱ ላይ የሚሳተፉ አካላትን በማስተሳሰር የመረጃ ልውውጣቸው እንዲሳለጥ፣ ግልጽ አሠራር እንዲሰፍን፣ በተደራጀ መረጃ ላይ ተገቢው ውሳኔ እንዲሰጥ፣ የተዝረከረኩ አሠራሮች እንዲቀሩ፣ የአፈር ማዳበሪያ ተጠቃሚው አርሶ አደር በሚያስፈልገው ጊዜ ሁሉ ማዳበሪያ እንዲደርሰው ለማድረግ ምቹ ሁኔታዎችን ይፈጥር ዘንድ ለምቶ ወደሙከራ ተግባር የተሸጋገረ ዘመናዊ የአሠራር ሥርዓት ነው፡፡